Fasquía- s.f feitura, apariencia dun barco

Entre os meses de xaneiro e maio de 2016, 15 estudantes do IES A Cachada (Boiro) fotografaron acompañados polo fotógrafo José Caruncho. “Fasquia- s.f feitura” é o resultado deste proceso de observación, procura fotográfica, reflexión, selección e ordenación. 

"Fasquía" é un termo empregado na carpintaría de ribeira para referirse á estética do barco. A idea do proxecto fotográfico foi dar a coñecer un estaleiro onde conviven a tradición e a modernidade na construcción e reparación de embarcacións. Despois dun traballo de esculca, investigación e selección da localización o espazo escollido foi Estaleiros Triñanes, ubicado no lugar da Punta do Chazo, na parroquia boirense de Cabo de Cruz.

A mostra agrupa cincuenta fotografías realizadas en formato dixital tomadas polos quince estudantes. Seguíronse tres liñas de traballo: as embarcacións, retratos dos traballadores e ferramentas do estaleiro.